ROBOTICREANDO

Hoxe a andaina lévanos á robótica. Co emprego deste recurso o alumnado incrementa o interese, a percepción, a capacidade de atención, a motivación, o razonamento, a curiosidade, ... De igual maneira, o uso dos escornabots desenvolve tamén a Competencia Dixital, os procesos cognitivos como a análise, o xuicio e a valoración, a comprensión ou a aplicación, modelos de pensamento como o analítico, analóxico ou deliberativo.  A través da resolución de códigos ou da creación de códigos o alumnado pode aprender a pensar, a deliberar.

A continuación, un exemplo dun taboleiro para traballar coas portadas e ilustracións dos contos:

 Exemplo 1:  PORTADAS DE CONTOS

FUNCIONALIDADE/UTILIDADE: Con este taboleiro preténdese que o alumnado relacione imaxes que aparecen nas páxinas de historias coas portadas.

ÁMBITOS TRABALLADOS: Atención, percepción visual, posicións no espacio, orientación espacial

OBXECTIVOS:

-discriminar e identificar os personaxes de contos

-asociar  as personaxes de contos coas portadas

SECUENCIA DIDÁCTICA/ACTIVIDADE

Propostas de actividades empregando como recurso un ESCORNABOT. Cada proposta de traballo terá diversas posibilidades para desenvolvelas:

-Existe un taboleiro con imaxes ou etiquetas e unha "ficha"con códigos que o alumnado ten que resolver. Ao  rematar a viaxe do Escornabot o alumnado terá que argumentar o percorrido realizado e a onde chegou. O alumnado tamén realizará propostas de códigos.

-o alumnado deberá executar os códigos propostos empezando na casilla de FINKY  e anotará o resultado na ficha rexistro. Cando pase por riba dunha portada tratará de dicir o título do conto.

1.- o alumnado comenzará a executar o código pola casilla de FINKY. Tralo percorrido deberá anotar a onde chegou e verbalizar o percorrido que realizou. E arrodeará no taboleiro a imaxe relacionada coa historia.Tamén poderán recordar por cantas portadas pasou.

  2.- o alumnado fará a proposta de códigos comenzado pola casilla onde está a mascota FINKY para que outro grupo o resolva debendo anotar o resultado. Sempre deberemos ir pescando no percorrido unha imaxe e rematar na portada correspondente. . E arrodeará no taboleiro a imaxe relacionada coa historia.

RECURSOS: taboleiros plastificados e fichas-rexistro con propostas de códigos, rotuladores

OUTRAS POSIBILIDADES:

-recoñecer onde hai animais

-identificar onde hai persoas

-identificar cores

-localizar portadas con títulos longos-curtos, con 5 palabras, con 4 palabras,...

-localizar o título que leva máis "T",...

Exemplo 2:RESOLUCIÓN DE SUMAS

FUNCIONALIDADE/UTILIDADE: Con este tablero preténdese que o alumnado  teña interese por resolver sumas e identificar o sentido do número

ÁMBITOS TRABALLADOS: Numeración, estimación

OBXECTIVOS:

-resolver sumas

-recoñecer números

-comprender o sentido do  número

SECUENCIA DIDÁCTICA/ACTIVIDADE

Propostas de actividades empregando como recurso un ESCORNABOT. Cada proposta de traballo terá 3 posibilidades para desenvolvelas:

-Existe unha “ficha” con códigos que o alumnado ten que resolver. Ao  rematar a viaxe do Escornabot o alumnado terá que argumentar o que realizou e a onde chegou.

-Nun sobre existirán varias tarxetas para que o alumnado poida colocar no taboleiro, deseñar  e resolver os códigos

O alumnado comenzará o percorrido por onde está FINKY.

1.-o alumnado deberá executar os códigos propostos  pasando e anotará o resultado na ficha rexistro. Deberá resolver a suma e anotará 1 punto.

2.- o alumnadp fará a proposta de códigos comenzando por FINKY  para que outro grupo o resolva  anotando o resultado da suma. Se falla o grupo gañarás un punto extra.

OUTRAS POSIBILIDADES

-escribir a suma e poñer os obxectos que establecen os sumandos

-inventar un problema da vida diaria con datos das operacións

-identificar o signo +

 

·