Benqueridas familias,
Un novo curso remata e parece que foi onte!
Queremos desexarvos unhas vacacións preñadas de
vivencias familiares, de ledicia, de xogos compartidos, de andainas polo monte
e pola praia, festas,...
Agora queremos deixarvos algunha recomendación:
Durante o verán as nenas e nenos deben descansar das
tarefas escolares pero poden realizar moitíiiiiiisimas tarefas da vida diaria que podan axudar ao
desenvolvemento de capacidades e de competencias. No calendario que se vos
entregou dende o Dto. De Orientación tedes múltiples propostas que promoven a
capacidade de atención, de memoria, as habilidades lectoescritoras, matemáticas, a ter autonomía, a pensar,...
Algúns exemplos eran:
-realizar a lista da compra con imaxes ou escribindo
-recordar letras, escribir palabras (ainda que non
saiban por todas)
-practicar a numeración contando, agrupando,...
-recordar cantigas, adiviñas, cancións, refráns,...
-realizar andainas descubrindo tesouros (fonte,
lavadoiro, unha árbore,...)
-recoller e por a mesa a diario
-recoller, agrupar a roupa que se recolle do
tendal,...
-axudar a elaborar as merendas, as ceas,...
-ler as imaxes dos contos (se non saben facer unha
lectura convencional) e contalos aos demáis
-ler contos entre os diferentes membros da familia
(con texto ou con imaxes) xa que favorece a imaxinación, a creatividade e a
linguaxe verbal,...
-facer xogos de sopro, de respiración, de discriminar
sons,...
-cando se vai en coche ir decindo as cores dos coches
e/ou matrículas e/ou marcas,...
Propostas para mellorar a percepción
-localizar nas
páxinas dun conto determinados obxectos, pesoas, animais, ….: atopa un
personaxe que leva un pantalón azul, localiza as cousas que hai detrás do
cabalo do príncipe,…
-busca no
folleto de publicidade do supermercado botes de leite semellantes aos que hai
na casa, paquetes de galletas da mesma
marca, iogures da mesma cor,…
-identifica e enumera todo o que aparece detrás das
figuras principais do conto na páxina 3 ou 7….
- localiza
(nunha revista do corazón, nun xornal, nun folleto publicitario,…) formas cadradas ou triangulares,…persoas que leven
un pantalón curto ou verde, ou longo; un coche de cor azul; unha nena loira ou
un neno moreno,…
-busca (nunha
revista do corazón, nun xornal, nun folleto publicitario,…) cousas, persoas
,árbores,…que estean perto da muller que ten o vestido verde ou lonxe do neno
que leva un pantalón branco ou ao redor da casa grande,…
-nomea e di a
cor das cousas que están enriba da meseta da cociña,…
-identifica sons
que hai no fogar: a batidora, a lavadora, o secador, o microondas, a billa de
auga, auga a ferver na pota,…
-localiza arumes
e cheiros no fogar: lexivia, fregacháns, loureiro, cebola, allo, colonia,
xabón,…
-busca
obxectos agochados polo seu son: despertador, secador, a serea dun coche, …
Algunhas estratexias para
a mellora da memoria visual e auditiva no contexto familiar poden ser:
-recordar as
principais personaxes dun conto
-lembrar as
accións que desenvolven na trama dun conto ou película as personaxes
-enumerar os
alimentos que se tomaron no almorzo, no xantar, na merenda,...
-nomear as
prendas de vestir que levamos o día anterior e as cores
-lembrar a
historia dos debuxos animados que se visionaron pola tarde
-recordar o que
se fixo o fin de semana
-mostrar unha
páxina dun conto ou folleto publicitario durante varios minutos e, a
continuación, enumerar obxectos
-colocar enriba
da mesa 3-4 pezas con formas xeométricas ou obxectos de uso cotiá (culler, servilleta, prato, calcetín, pano da cociña, prendedor do pelo,...) facer que os observe e, a
continuación, retiralos debendo colocar de novo os obxectos ou pezas.
-elexir as
prendas de vestir para o día seguinte (mamá ou papá agocha algunha) e localizar
pola mañán as que faltan.
-redactar a
lista da compra e ir buscando a mercancía no supermercado ou tenda sen mirar
(cada vez ir recordando máis artigos)
- papá, mamá,
avoa,...comunica cousas a realizar ou productos que hai que mercar e, as
nenas ou nenos, deberán ser quen de enumeralos.
Como vedes un
verán para xogar e disfrutar das fillas e dos fillos.
As familias son
a parte máis importante e relevante no proceso educativo. Sen o voso apoio,
compromiso e implicación o ÉXITO EDUCATIVO NUNCA SERÁ POSIBLE.
