|
PAUTAS PARA UNHA COMUNIDADE EDUCATIVA INCLUSIVA
|
|
1.Aproveitarase
a diversidade como unha oportunidade para a construción da convivencia e o
desenvolvemento persoal do alumnado, promovendo situacións de aprendizaxe
útiles para a vida.
2.Identificaranse, suprimiranse e/ou
minimizaranse barreiras que impidan a participación. 3.Promocionaranse
accións de sensibilización no relativo á diversidade e ás medidas de atención
nas que poidan participar todos os membros da Xerarase debate sobre prexuízos
existentes, entendendo que a igualdade debe empezar por cada un, recoñecendo a
verdadeira dimensión da diversidade, e a contribución e beneficio que provoca
no grupo, analizando a evolución das actitudes e dos valores do alumnado e a
sociedade en xeral con respecto ás persoas coa síndrome de Down.
4.Facilitarase
a identificación e promoción dos discursos que favorezan a diversidade en
xeral, e a diversidade cognitiva en particular, contribuíndo a evitar a
“etiquetaxe” e o “efecto Pigmalión” (ou profecía autocumprida) e a potenciar
a mellora da acción educativa.
5.Fomentarase
a participación e implicación de todos os membros da comunidade educativa na
xestión, na planificación e no desenvolvemento do proxecto educativo.
6.Confiarase
nas posibilidades do alumnado coa síndrome de Down, evitando expectativas
baixas e trasladando esa confianza aos seus compañeiros e compañeiras.
7.Xerarase
debate sobre prexuízos existentes, entendendo que a igualdade debe empezar
por cada un, recoñecendo a verdadeira dimensión da diversidade, e a
contribución e beneficio que provoca no grupo, analizando a evolución das
actitudes e dos valores do alumnado e a sociedade en xeral con respecto ás
persoas con NEE.
8.Estarase
alerta ante posibles situacións de exclusión e desenvolveranse medidas e
actuacións de tipo curricular, relacional e organizativo, para promover a
convivencia positiva, a non discriminación e o respecto polas diferenzas máis
alá do contexto de aprendizaxe da aula propiamente dito e estendéndose aos
tempos de recreo e actividades extraescolares e complementarias.
9.Resaltarase
a importancia de actuar ante calquera acto discriminatorio, no marco do Plan
de convivencia do centro e o previsto nos protocolos de Educonvives.gal.
10.Fomentarase
un bo clima de aula, acordando normas e pautas de comportamento para
todos/as, empregando estratexias de cohesión de grupo e de mediación e
resolución pacífica de conflitos entre o alumnado e entre
alumnado-profesorado, favorecendo a convivencia e a tolerancia, etc.
11.Proporcionaranse
canles comunicativas como a oral, visual e táctil, mediante o emprego de
sistemas alternativos ou aumentativos de comunicación (SAAC) que recorran a
sistemas pictográficos, signados, etc. ao alumnado que teña dificultades para
empregar a comunicación oral, permitindo, así, acceder á información a través
destes modelos, e permitindo, tamén, que o alumnado poida expresarse e
compartir as súas aprendizaxes empregando estes soportes. Os SAAC serán
empregados polo alumnado usuario na súa relación con toda a comunidade
educativa.
12.Paralelamente
concienciarase á comunidade educativa sobre a importancia de utilizar, por
parte de todos e todas, formatos de comunicación diversos que aseguren a
comprensión por parte deste alumnado.
13.Recollerase
na concreción anual do Plan xeral de atención á diversidade, que forma parte
da programación xeral anual, as medidas dirixidas a evitar ou minimizar as
barreiras que impidan a participación e a aprendizaxe do alumnado.
14.Prestarase
especial atención á acollida deste alumnado así como aos períodos de
transición entre etapas educativas, mesmo entre os distintos niveis.
15.Informarase
e formarase ao profesorado para crear contornas sen barreiras e poder dar
resposta ás necesidades de atención e apoio de todos os alumnos/as, dando
prioridade ás actividades formativas en función das necesidades dos e das
profesionais e do centro, establecendo espazos e tempos para o seu
desenvolvemento.
16.Promoverase
intervencións directas de formación, asesoramento e apoio en colaboración
coas entidades especializadas, que difundan a realidade das persoas coa
síndrome de Down e doutros colectivos, desmontando estereotipos, poñendo en
valor os proxectos de formación en centros e as Escolas de Nais e Pais.
17.Facilitarase, desde a organización do
centro, a coordinación entre os profesionais que interveñen co alumnado coa
síndrome de Down, favorecendo e promovendo que atopen espazos e tempos para
realizar planificacións conxuntas e para que a intervención se realice co
maior grao de coherencia, de coordinación e de colaboración posible.
18.Trataranse de definir os roles e as funcións de cada persoa que forma
parte do equipo educativo, na procura dunha intervención conxunta e
coordinada.
19.Sistematizarase
o intercambio de información relevante nos cambios de curso e de etapa
educativa ou de centro do alumnado coa síndrome de Down, para asegurar a
continuidade do proceso formativo e favorecer a atención educativa máis
axeitada a cada alumno ou alumna.
20.Impulsarase
a comunicación e coordinación entre a familia, o profesorado e os servizos de
orientación; e, a través da familia, con outros servizos e entidades que
atenden o alumnado coa síndrome de Down.
21.Favorecerase
a creación de grupos equilibrados en canto ao alumnado que presenta especiais
dificultades, onde, sempre que sexa posible, se manteñan os vínculos con
compañeiros/as de referencia do centro ou etapa anterior, que sirvan como
apoio natural no proceso de adaptación no novo centro ou etapa. Polo xeral, os
compañeiros son una fonte de información e apoio importante.
|
