Hoxe preséntanse no CEIP PINTOR LAXEIRO de Vigo os calendarios competenciais que deseña e crea o Dto. Orientación do CRA MESTRA CLARA TORRES de Tui e que se editan e imprimen coa colaboración da DIPUTACIÓN DE PONTEVEDRA
Son uns calendarios “COMPETENTES” para facer posible o
principio da EDUCACIÓN COMO TAREFA COMPARTIDA, EDUCACIÓN COMO COMPROMISO.
Non é novo que a educación
debe sustentarse en tres piares fundamentais: A FAMILIA, A ESCOLA e a SOCIEDADE.
Coas transformacións
sociais actuais urxe dotar ás familias de estratexias para o desenvolvemento de
competencias básicas na contorna social, cultural e familiar.
Deste xeito as familias
serán co-partícipes activas do proceso educativo
dos fillos e das fillas.
E o esforzo compartido
que se preconiza dende a LOE 2/2006 e a LOMCE 8/2013 será unha realidade
A finalidade será dinamizar
aprendizaxes funcionais para a vida.
Por outra parte, o medio social, natural, cultural é o mellor recurso curricular para aprender, para pensar, para pescudar, …
O fío conductor será a visibilidade da importancia da muller na sociedade deste século en diferentes ámbitos:
-ciencia
-cine
-literatura
-fotografía
-música
-xornalismo,...
Tamén as propostas de Literatura infantil , xuvenil e de adultos estará escrita por mulleres.
As propostas de cine xiran en torno a historia de mulleres e/ou dirixida por mulleres.
Todas as propostas serán o referente para a práctica educativa e o paradigma
educacional debe ser o de aprender a aprender e aprender
facendo.
No calendario aparecen propostas de
aprendizaxe colaborativo, corresponsable, de lecer con andainas, buscas do tesouro , de educación
ambiental con reciclado, consumo responsable de luz e auga,
suxerencias de lectura e cine,
pautas para o desenvolvemento exitoso da fala e da
linguaxe, a atención,
a percepción, deseño de cronograma de tarefas corresponsabéis no fogar, educación para
a saúde con creación de menús saudables,
corresponsabilidade no fogar, valores, percepción e discriminación visual e auditiva, debates en familia sobre temáticas diversas,...
Dende o proceso de e-a poderase
contribuír a mellorar esta competencia sempre que se permita imaxinar,
emprender accións, desenvolver proxectos individuais ou colectivos con
creatividade, confianza e responsabilidade. O paradigma educacional sobre a forma de aprender e de ensinar non se
debe a acumulación de coñecementos,
senón o desenvolvemento das posibilidades que posúe calquera das nosas alumnas
e alumnos mediante fórmulas «de saber» e «de facer» contextualizadas á vida
cotiá.
O noso desexo é que estes calendarios
favorezan o desenvolvemento físico, afectivo,
social e intelectual de fillos e fillas, pais e
nais e demáis membros da familia dun xeito divertido, comprometido e en
familia.
Agradecer a colaboración e implicación de mestras e mestres que fan posible que tamén se desenvolvan estas actividades nas aulas.
Estes calendarios non serían posible sen o apoio incondicional da DIPUTACIÓN DE PONTEVEDRA e de @maisqueideas
