EMOCIÓNS E APRENDIZAXE

Xa estamos cun novo curso iniciado e queremos facer fincapé na importancia do desenvolvemento emocional no alumnado e que  vai determinar un tanto por cento elevado do éxito escolar.
As derradeiras investigacións en neurociencia descubren que a EMOCIÓN e APRENDIZAXE constitúen un binomio indisoluble. O doutor en Neurociencia FRANCISCO MORA afirma que sólo se pode aprender aquilo que se ama e asegura que solo pode ser aprendido aquilo que xera emoción.
Por outra parte, o alumnado debe coñecerse e saber que lle gusta, que lle alegra ou que cousas o poñen tristes ou enfadados. A partir de ter unha boa consciencia emocional podemos os seres humanos ter estratexias para controlar esas emocións.
Entre todos temos que facer posible o descubrimento desas emocións e ese autocontrol que levaría ao alumnado a pensar antes de ser agresivo, pensar antes de berrar, pensar e controlarse antes de desobedecer,...
É posible adquirir habilidades emocionais dende a infancia pois a mellora das competencias emocionais e sociais contribúe á prevención de certos comportamentos disruptivos, agresivos, intolerantes,...

CITAS PARA A REFLEXIÓN EDUCATIVA

"Cada persoa busca a felicidade dunha maneira distinta e por diferentes medios e así fabrica distintas formas de vivir". (Aristóteles)

A felicidade acádase cunha forte dose de INTELIXENCIA EMOCIONAL (Goleman, 1995).
Algunhas pistas para a consecución:

• A consciencia emocional para saber o que sentimos, que pensamos, para saber expresar emocións,...
• A regulación emocional para poder ser conscientes da emoción vivida e de saber e querer controlar a impulsividade.
• A autoestima que permite querenos a nós mesmos porque somos seres únicos, especiais e irrepetibles.
• Cultivar o optimismo
• Expresar a gratitude
• practicar a amabilidade
• vivir o respecto
• crear un clima de afectividade e seguridade