O venres día 6 de xuño, ás 18,30 horas, na aula de Baldráns teremos a derradeira sesión de este curso do noso CONTACONTOS CREATIVO. Haberá unha sorpresa de cine!
O conto escollido é A PRINCESA QUE BOCEXABA A TODAS HORAS da Editorial OQO.
Unha breve sipnose da historia é:
A princesa non facía máis que bocexar e, como os bocexos son tan contaxiosos, todo o palacio andaba coa boca aberta: o rei, a raíña, os ministros…, mesmo o gato e o can do xardineiro bocexaban. O rei trataba de contentar a súa filla con todo o que tiña ao seu alcance, pero os seus esforzos eran en balde. Un día, mentres paseaba polos xardíns, o fillo dun criado de palacio achegouse á princesa e...
Un relato divertido, sinxelo e eficaz que, con acento poético, tira proveito da linguaxe e salienta o valor da amizade cunha mensaxe clara e directa para os lectores: … nin bólas de xeado, nin colchóns de pluma, nin elefantas amarelas alegran o corazón das princesas tanto como un bo amigo. Un conto para que os nenos aprendan a recoñecer os valores e a gozar plenamente da infancia. Porque nunha sociedade a miúdo ameazada polo consumo, cómpre que non esquezan a importancia das relacións humanas, do xogo tradicional e da experimentación como actividades indispensables para comprender o mundo e establecer lazos afectivos.
As ilustracións de Elena Odriozola presentan un trazo delicado e intimista, con moita personalidade; sutil tanto no nivel técnico como no nivel conceptual. Para alén diso, o álbum foi galardoado en 2006 co SEGUNDO PREMIO ÁS MELLORES ILUSTRACIÓNS na categoría de Libro Infantil e Xuvenil, outorgado polo Ministerio de Cultura.
A guía de lectura e a historia en audio podedesno seguinte enlace:
