A alfabetización emocional é necesaria para acadar un desenvolvemento integral persoal e social.
As emocións están vinculadas coas intelixencias intrapersoais e interpersoais das que falaba H. Gardner. Pola contra, Goleman fala de intelixencia emocional.
A intelixencia emocional está relacionada coa resiliencia, co autocontrol emocional, coas actitudes positivas e o optimismo, coa cognición e o comportamento, coa cidadanía cívica, co pensamento crítico, co pensamento deliberativo,...
Existe unha ampla bibliografía para traballar emocións cos fillos e fillas, co alumnado. Algúns exemplos son os que aparecen a continuación:
Seguindo a
C. Loureiro membro do equipo
de Filosofía para nenos de Galicia a finalidade da educación emocional é
desenvolver as competencias emocionais; e resulta ser a competencia emocional a que fai as persoas
emocionalmente intelixentes.
O modelo de competencias emocionais do GROP (Bisquerra e Pérez, 2007) é un dos máis completos e fundamentados. Este modelo propón
o desenvolvemento dos seguintes cinco
bloques competenciais:
1.
Conciencia emocional: a toma de conciencia das propias
emocións; dar nome ás propias emocións;
comprender as emocións dos demais.
2. Regulación emocional: tomar conciencia da interacción entre emoción, cognición e comportamento; expresión
emocional; capacidade para a regulación
emocional; habilidades de afrontamento; competencia para autoxerar emocións positivas.
3. Autonomía emocional: autoestima; automotivación; actitude positiva; responsabilidade; a
autoeficacia emocional; a análise crítica das normas sociais; a resiliencia (a capacidade de
resistir emocionalmente ás dificultades
da vida).
4. A intelixencia interpersoal: dominar as habilidades sociais básicas; o respecto polos demais; a comunicación
receptiva; a comunicación expresiva; compartir emocións; ter un comportamento
prosocial e cooperativo; ser asertivo;
previr e resolver conflitos; ter a capacidade de xestionar as situacións emocionais dos demais.
5.
As competencias para a vida e o
benestar : fixar
obxectivos adaptativos; tomar decisións; saber buscar axuda e recursos;
cidadanía activa, cívica, responsable, crítica e comprometida; estimular o
benestar subxectivo e saber fluír.
d