E a nosa travesía pola linguaxe audiovisual inicia a súa andaina!
Como inicio unhas máxicas palabras sobre cine:
"Hai películas que miramos.
Na pantalla ábrese unha fiestra sobre o
mundo (cómo foi, como tería sido, como chegaría a ser, como é). O mellor
cine é sempre un arte comprometido co presente, un espello sobre o mundo no que vivimos.
Pero hai películas que nos
miran. Na pantalla ábrese unha fiestra
que ilumina a nosa intimidade. O
mellor cine é sempre un espello que nos retrata.
Esas son as películas que nos cambian!
E ata temos CARTEL realizado de forma altruista por unha cidadá de TUI.
A aposta polo cine en TUI vai ser unha actividade cidadá e colaborativa onde todas e todos estaremos implicados:
-Concellería de Educación
-Seminario Menor de Tui
-Casas Culturais das Parroquias
-Foro TUDE
A organización é como segue:
Os derradeiros xoves. ás 20,30 horas (agás se é festivo ou é unha data moi especial) teremos sesión de cine de adultos e os derradeiros venres de mes ás 18 horas ofreceremos sesións infantís no Salón de Actos do seminario Menor de Tui.
Os sábados derradeiros de mes proxectaremos nas CASAS CULTURAIS. Iremos polas diferentes parroquias de Tui e decidimos facelo por orde alfabético.
SESIÓN INAUGURAL O XOVES 27 DE NOVEMBRO ÁS 17,30 HORAS CON SESIÓN INFANTIL, MONSTRUOS UNIVERSITY e ás 20,30 horas CINEMA PARADISO para adultos.
Se precisades dunha guía didáctica da película Monstruos University premede no seguinte enlace:
https://www.dropbox.com/s/cl6oudlsnbo36kk/guia%20de%20visionado%20MOnstruos%20University.docx?dl=0
O programa que teremos ao longo do curso é o que segue:
https://www.dropbox.com/s/oc8wgqlm3jueg9k/CRONOGRAMA%20CINECRA%202014%20-%202015%20def..docx?dl=0
O SR. CONSELLEIRO DE EDUCACIÓN inaugurou este Proxecto de CINECRA e expuxo que "é unha iniciativa que emprega o cine como vehículo educativo ao tempo que sirve para introducir aos máis pequenos na maxia do sétimo arte"
Se precisades máis información premede no seguinte enlace:
http://www.edu.xunta.es/web/node/13947
